Әтнәдә һава торышы

2016 елның беренче эш көннәре салкын булачак. Республиканың Гидрометеоүзәге шулай дип вәгъдә итә.

12 гыйнвар көнне һава торышы -30 градуска ук җитәргә мөмкин. Ә бүген аязучан болытлы һава торышы көтелә, азрак кар явуы бар. 10-13 градус суык булачак.

Татарстанның күпчелек районында урыны белән көчле кар явачак, азрак буран булачак. Шул ук вакытта юлларда бозлык, урыны белән кар көртләре пәйда булачак.

12 гыйнвар көнне төнлә уртача температура 21-26 градус суык булыр. Әйтелгәнчә, 30 градуска ук җитүе бар. 13 гыйнвардан суыклар чигенәчәк.