Әтнәдә бензин бәяләре кабат үсә

Автомобиль ягулыгы илнең барлык төбәкләрендә диярлек кыйммәтләнә. Узган атнада 7-13 сентябрьләрдә бензин бәясе Россиянең 47 субъектында үсте.

Уртача алсак, Россиядә АИ-92 маркалы бензинның 1 литры 34,92 сум, АИ-95 36,99 сум тора. Ә дизель ягулыгының бер литры өчен 34,73 сум сорыйлар.

Бәя күтәрелү бер хәл, автомобиль хуҗалары еш кына тиешле бензинны салып бетермәү белән дә очрашалар. Шул сәбәпле җәмәгать активы заправкаларда фискаль счетчиклар куюны сорый.

Бәяләр артуга карамастан, кайбер аналитиклар ел ахырына ул кимер дигән фикердә.