Әтнә таңы

Әтнәдә бензин бәясе тагын үсә – РФ Дәүләт Думасы шулай карар итте

Россиянең Дәүләт Думасы бензин һәм дизель ягулыгына акцизны арттыру турында закон кабул итте.

Салым кодексына төзәтмәләр 1 апрельдән башлап 5 класслы бензинның тоннасына булган 7,53 мең сумлык акцизны 10,13 мең сумга җиткерүне күз алдында тота. Ә 2017 елда планлаштырылган 5,83 мең сум урынына 7,43 мең сумга җитәчәк. Шулай ук дизель ягулыгына да, 5 класслы булмаган бензинга да акцизлар арта.

Хөкүмәт моны мәҗбүри чара дип аңлата. Минфин нәтиҗәдә бензин бәясе 6,5-7 процентка үсәчәк дип саный. НДСны исәпкә алсак, 1 литр бензинга акциз 2 сум 36 тиенгә артыр диләр. Ә инде ваклап сатканда литры 34-35 сум торган бензин бәясе 6,5-7 %ка артачак икән. Бу инфляция дәрәҗәсендә булачак диләр.


Реклама

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: