Әтнәдә чит ил гражданнарын тикшерәләр

Татарстан Республикасында, шул ук вакытта Әтнә районында да миграция хезмәте һәм район полиция бүлеге белән берлектә "Легаль булмаган мигрант" операциясе башланып китте.

Әлеге операция барышында районга чит илдән кайтучыларның яшәү, эшләү кагыйдәләрен ничек үтәүләре, законлы эшләүләре тикшерелә. Шулай ук аларны яшәргә кертүче өй хуҗалары да күз уңында булачак. Чит илдән кайтучыларны вакытында учетка бастыралармы, кайтучылар үзләре үк вакытында теркәлү узалармы, барысы да тикшереләчәк. Ә закон бозучыларны административ җаваплылык көтә.