Әтнәдә дә булды ул...

Татарстанда 3 кеше угар газ белән агуланган. Әлеге газ белән агулану куркынычы нәкъ менә кыш көне арта. Чөнки морҗа тишеген кар каплый һәм газ өйгә чыга башлый. Шуңа күрә мич морҗалаларын тагын бер тапкыр карап чыгыгыз, җаваплы белгечне чакыртыгыз.

3 гыйнвар көнне Әлмәттә шундый ЧП килеп чыга. 3 кеше зыян күрә, ярый әле вакытында чамалап алалар. Бүгенге көндә хәлләре әйбәт.

Моннан элек тә шул ук Әлмәттә мондый хәл теркәлгән иде инде. Хәер, үзебезнең Әтнәдә дә булды ул. Җәмәгать, саграк булыйк!