Әтнәдә дә язгы кыр эшләре чорында хезмәтне саклау айлыгы бара

Агымдагы елның 21 апреленнән республикада «2014 елгы язгы кыр эшләрен башкару чорында хезмәтне саклау һәм җитештерү иминлеге таләпләрен үтәү» айлыгы бара.

Акция кысаларында АПК системасында җитештерү җәрәхәтен алу ихтималын һәм һөнәри авыруларны киметүне пропагандалый торган чаралар оештырылды. Аерым алганда, очрашулар, семинарлар, күргәзмәләр, смотр-конкурслар уздырыла, авыл хуҗалыгы техникасы һәм хезмәт шартлары тикшерелә. Тупас хокук бозулар ачыкланган очракта хуҗалыклар җитәкчеләре алдминистратив җаваплылыкка яисә җинаять җаваплылыгына тартылалар.

Шулай ук механизаторлар һәм язгы кыр эшләренә җәлеп ителгән эшчеләр белән чираттан тыш инструктажлар үткәрелде.