Әтнәдә диспансерлаштыру ничек үтә?

Соңгы вакытта больницадан кайтучылардан шундыйрак сүзләр дә ишетелгәләде. Алайса гел "Юньләп карамыйлар бу врачлар, чират, керә торган түгел",- диләр иде. Нәрсә үзгәргән?

Реклама

Сүрия МИНГАТИНА

"Үзләренә кирәк булгач карыйлар", "Нишләп аларга булсын, безнең сәламәтлекне тикшерәләр бит"...- 3 елга бер мәртәбә үткәрелә торган диспансерлаштыру барышында шулай сөйләшәләр. "Хөрмәтле редакция! Больницада диспансеризация кемнәргә генә ул? Калганнарга да булачакмы икән? Белешеп җавап бирмәссезме? Әллә по блатумы ул?", - редакциягә хәтта әнә шундый хат та килде. Район үзәк больницасының баш табибы Азат Гарипов белән халык арасында бик популяр булган диспансерлаштыру хакында сөйләшәбез.

• Диспансерлаштыруны табиблар тикшерүе дип аңлыйкмы? Максаты нидә? Нинди чараларны үз эченә ала? Кемнәр үтә?
• Диспансерлаштыру - комплекслы чара, икенче төрле әйтсәк, табиблар тарафыннан төрле алымнар кулланып үткәрелгән медицина тикшерүе. Сәламәтлекнең торышына карап төркемнәргә бүлү, профилактика үткәрү, килеп чыккан авыруларны дәвалау, аннан соң бу авыруларның сәламәтлеген тикшереп тору. Максаты - инвалидлыкка китергән авыруларны башлангыч стадиядә вакытта табып дәвалау, кеше сәламәтлеген кайгыртып, аның гомерен озайту. Мондый тикшерү элек бар иде, аннан соң тукталып торды. Хөкүмәт җитәкчеләре, Сәламәтлек саклау министрлыкларының кайгыртуы белән яңадан гамәлгә керде. Әлеге чара 3 елга бер мәртәбә үткәрелә. Туганнан алып 99 яшькә кадәрге кешенең сәламәтлеге карала. Ятим балаларны, 17 яшькә кадәрге балаларны карау кебек төрләре дә бар. Без 21 яшьтән алып 99 яшькә кадәргеләрне кертеп, 1807 кешенең (73.1%) сәламәтлеген тикшердек. 100 яшьтән артканнарны да карадык. План буенча бер елда 2500 кеше карарга тиеш идек. 700 кеше карыйсыбыз бар. Ничә яшьтәгеләр үтәме? Гади формула: 21+3+3...- 24, 27, 30, 33 ... яшьтәгеләр. Шул рәвешле исәпләнә. Кеше 5 табиб тикшерүе үтәргә тиеш, диләр. Төп тикшерү терапевтныкы. Килгән кешене тыңлап, анкета алып, аның анализлары белән танышканнан соң, терапевт кирәк дип тапса, шикләнсә, башка табибка җибәрә. Кирәксә, больницага салып дәвалыйбыз.
• Ә калган яшьтәгеләргә мондый тикшерү кайчан үткәрелә?
• Быел 20яшь тулганнарга киләсе елда 21 яшь була. Һәм ул әлеге категориягә керә. Шул рәвешле 2015 елга кадәр бөтен район халкы карала. Күргәнегезчә, бернинди дә блат дигән нәрсә юк. Бөтен кеше бертигез тикшерелә.
• Тикшерү нәтиҗәләренә килсәк...

Каралган 1807 кеше арасыннан 423 авыру табылды.Мәкаләнең дәвамын газетадан укып белә аласыз.