Әтнәдә "Ел укытучысы" бәйгесе уза

Олы Әтнә урта мәктәбендә дүртенче көн инде районыбыз укытучылары "Ел укытучысы" исеме өчен көч сынаша.

Башка еллардан аермалы буларак, бәйгене оештыруда да бик күп яңалыклар бар. Бәйгегә барысы 40 эш тапшырылып, шуларның 15е генә сайланып алынган. Һәм дә шул 15 укытучының һәркайсына да мастер-класслар күрсәтергә, дәресләр бирергә туры килә. Җюри әгъзалары да укытучылар үзләре сайлаган кешеләр. Моннан тыш, финалга 5 укытучы узачак. Математика, физика, химия фәннәре укытучылары да аерым билгеләнеп үтәчәк.