Әтнәдә "Ел укытучысы"н билгеләячәкләр

Олы Әтнә мәктәбендә "Ел укытучысы" бәйгесенең беренче туры үтте. Узган еллардан аермалы буларак, быел бәйгедә биш кенә укытучы катнаша. Күлле Киме мәктәбеннән математика укытучысы Наилә Гәлләмова, Күшәрдән география фәнен укытучы Зөлфия Заһидуллина, Түбән Көектән татар теле укытучысы Гөлшат Гәлиәхмәтова, Олы Әтнә мәктәбенең рус телчесе Лилия Гарипова, Күңгәр мәктәбенең җәмгыять белеме укытучысы Рәмлә Шакирова үзара көч сынаша. Бәйге ике көн узачак. Беренче көнне укытучылар үзләренең укыту методлары белән таныштылар, укучылар белән мастер-класс күрсәттеләр.