Әтнәдә җепшек көннәр башланды

Һава температурасы 20 градуска кадәр җитеп салкынайтканнан соң, алда торган көннәрдә Татарстанда, шул исәптән Әтнәдә дә кабат җылыта.

Бу хакта Татарстан Гидрометеорология һәм әйләнә-тирә мохитне күзәтү идарәсе җиткерә. 21-24 декабрьдә республикада урыны белән юеш кар, яңгыр һәм пыскак яңгыр явачак.

Томан төшү һәм юлларда бозлавык саклану ихтималы бар. Инде иртәгә үк Татарстанда көндезге һава температурасы 4 градуска кадәр җылыта. Җылы көннәрнең күпмегә сузылачагын синоптиклар да фаразларга алынмый.

http://intertat.ru