Әтнәдә гражданнар оборонасы айлыгы старт алды

Ул бөтен республика күләмендә үткәрелә. Аның кысаларында гадәттән тыш хәлләр очрагында туарга мөмкин булган барлык мәсьәләләр дә каралачак. Бу хакта гражданнар оборонасы һәм гадәттән тыш хәлләр министрлыгы вәкилләре хәбәр иттеләр.

2 октябрь-2 ноябрь аралыгында хәбәр итү системалары тикшереләчәк. Тормыш куркынычсызлыгына багышланган ачык дәресләр узачак. ТР МЧСы ачык ишекләр көне уздырырга ниятли. Шулай ук өйрәнүләр дә булачак. Шул исәптән халыкны эвакуацияләү һәм гражданнарга шәхси саклану чаралары өләшү дә тикшерелә.