Әтнәдә каникуллар... тик бар да үз эшендә

Ашыт елгасы буеннан үткәндә башка әнә шундый фикер килде. Ник дигәндә, күзгә ап-ак кар белән капланган елга өстендә утыручы балыкчылар чалынды. Шунысы кызык, берара көннәр җылынып алганда да боз өсте балыкчылардан буш тормады. Әллә дөрестән дә балык бик күп, әллә мохтаҗлык итәктән тарта... Бу фикеремне кычкырып әйткәнмен икән, көлештеләр. "Гел үзенә тартып тора ул, тәмәке тартучыны тәмәке тарткан кебек", - диләр... Тагын көннәр җылытып, хәвеф-хәтәре дә үзенә тарта күрмәсен инде...