Әтнәдә макулатура җыялар

KZN.RU мәгълүматларына караганда, Казанда узган ике көнлек экология акция барышында, 4 урамда 5 тонна макулатура җыйнаганнар. Моннан кергән акчалар хәйриягә тотылачак.

Ә менә Күәм мәктәбендә ниндидер акцияләр узганны көтеп тормыйча, макулатура җыю буенча сыйныфлар арасында ярыш уздырганнар. Бу хакта мәктәп сайтында хәбәр ителә. "Бу, беренчедән, тәрбияви мәгънәгә ия, икенчедән, чисталык мәсьәләсе дә күпмедер дәрәҗәдә хәл ителә", - дигән фикердә мәктәп укытучылары. Өстәвенә, күбрәк кәгазь җыйган сыйныфка приз да бирәләр.