Әтнәдә мәдәният хезмәткәрләре җыйналды

Пәнҗешәмбе көнне район мәдәният үзәгенә авыл мәдәният йортлары җитәкчеләре киңәшмәгә җыйналды. Алар алда торган мәсәьәләләргә тукталып, "Созвездие-Йолдызлык", "Балкыш", "Многозвучный Татарстан" дип аталган, чара-фестивальләргә әзерлек хакында сөйләштеләр. Мәдәният йорты җитәкчеләренә әлеге чараларны үткәрү буенча нигезләмәләр өләшенде. Әлеге чаралар февраль аеннан башлана, кайсына ничек катнашу хакында авыллардагы белгечләр белә, болардан тыш "Кышкы урам" бәйрәме узачак. Әлеге чара февраль аенда Олы Мәңгәр авылыннан башлана. Оешмалар бүгенге көндә КВНга әзерләнә. Киңәшмәне мәдәният бүлеге методисты Ләйсән Хәйретдинова алып барды.