Әтнәдә мәктәп яны лагерьлары гөрләячәк

Мәктәп яны җәен дә гөрләр

Җәйге каникуллар якынлаша. 1 июньнән мәктәп яны лагерьлары эшли башлаячак. Быел алар ун мәктәптә оештырыла. Мәктәп яны лагерьлары белән беррәттән хезмәт лагерьлары да эшләячәк. Барысы 381 бала , шуның 311 - ял, 70е - хезмәт лагерьларына йөриячәк. Ял лагерьлары -21, хезмәт лагерьлары исә - 18 көн дәвам итәчәк. Шунысын да әйтергә кирәк, Олы Мәңгәр һәм Яңа Шашы мәктәпләрендә ремонт бару сәбапле, аларда мәктәп яны лагерьлары эшләмәячәк.