Әтнәдә – “Наркотикларга урын юк!”

Замана кызу темплар белән алга бара. Вакыт-вакыт як-якка борылып карарга , бер-берең белән аралашырга да вакыт җитми. Шул исәптән балаларга да ата-аналарның вакыты аз кала. Тормыш алып барасылары бар. Моны истә тотып, укытучылар, мәдәният хезмәткәрләре тәрбия эшләренә зур урын биреп, төрле чаралар уздыралар. Менә шуларның берсе Яңа Әтнә авылы мәдәният йортында узды.

- Балалар белән берлектә наркомания авыруының асылын ачыкладык. Әлеге чара укучыларны әлеге куркыныч чирдән кисәтү дә һәм аларда сәламәт яшәү рәвеше формалаштыру максатыннан да уздырылды. Ә исемен "Наркотикларга урын юк!" дип куеп, кызыклы викторина уздырдык. Балалар викторина сорауларына бик төгәл итеп, теләп җавап бирделәр,- диләр мәдәният хезмәткәрләре үзләре.