Әтнәдә ОГЭ нәтиҗәләре билгеле

ОГЭ буенча сайлаган фәннәрнең нәтиҗәләре билгеле, дип хәбәр итәләр район мәгариф бүлегеннән. Информатиканы 24 кеше тапшырган, "2"леләр юк. Химия фәненнән 26, җәмгыять белеменнән 70 кеше җавап тоткан, кызганычка каршы минималь баллны җыя алмаучылар бар. Шунысын да әйтергә кирәк, быел бу куркыныч түгел, бу билгеләр аттестатка төшкәндә бер баллга арттырып куела. Сайлап алган фәннәрнең икесен дә "5"леләргә тапшыручы да бар - Олы Әтнә урта мәктәбеннән Эльвира Солтанова җәмгыять белеменнән һәм инглиз теленнән "5" алган.