25 май - мәктәпләрдә чыгарылыш бәйрәмнәре үткән көнне, Әтнәнең кайбер хуҗалыкларында басуга печән чабарга чыктылар.

"Тукай"да кичә үк дамба кырыендагы басуларны чапканнар. Хуҗалыкның күпьеллык үлән мәйданы шактый зур. Шулай да аны, комбайнчы егетләр сүзләренә караганда, Сабантуй бәйрәмнәренә кадәр тәмамларга уйлыйлар.

- Тырышабыз инде. Озын сменада эшлибез. Ашарга, эчәргә алып килеп торалар. Эш шартлары уңай, - дип көлешәләр "МакДОН" комбайнчылары Инсаф Бәйрәмов һәм Ильяр Гайфуллин.