Әтнәдә пиротехника күз уңында була

Әтнә Эчке эшләр бүлегенең административ Законнарның үтәлеше буенча инспекторы Эльвира Әмирова якынлашучы Яңа ел бәйрәме белән котлап, пиротехник эшләнмәләр буенча махсус операция башлануын җиткерде. "20 декабрьдән 15 гыйнварга кадәр пиротехник эшләнмәләр әйләнеше белән бәйле хокук бозуларны профилактикалау буенча махсус чаралар үткәрелә", - диде ул. Пиротехник эшләнмәне сату өчен Сертификат булу, аны тиешле урыннарда гына сату, яше җитмәгәннәргә сатмау - болар барысы да полиция хезмәткәрләренең күз уңында булачак.