Әтнәдә саклык банкы бетә

Соңгы көннәрдә газета укучыларыбыз бер-бер артлы шалтыратып, "Кызлар, сбербанк бетә, дип сөйләшә халык, сез ишетмәдегезме? Бетә калса, кредитларны кая барып туләрбез икән, хезмәт хакын да шуннан ала идек, әле җайлы иде. Ник бетә икән соң ул, белмисезме?" - дип сорадылар.

Баштарак көлебрэк карасак та, соңрак урамда да хәйран җитди сөйләшүчеләргә тап булдым. Ачыклык кертер өчен саклык банкының Әтнә филиалы җитәкчесе Ринас Сафинга мөрәҗәгать итеп, укучыларыбызның гозерен җиткердем.

• Үзебезгә дә шалтыратып сорыйлар, бездә андый боерык юк, элек ничек эшләсәк, киләсе елда да шул рәвешле эшлибез. Штатлар да, сәгатьләр дә үзгәрмәде,- дип җавап бирде ул.