Әтнәдә сөтне күпмедән алалар

Татарстан авыл хуҗалыгы һәм азык-төлек министрлыгы мәгълүматларына караганда, быел 7 ноябрьгә Әтнә шәхси хуҗалыкларыннан сөт җыю бәясе уртача 20 сум 10 тиен тәшкил итә. Бер ай эчендә ул 2 сум 10 тиенгә күтәрелгән.

Иң зур саннар - Аксубайда. Биредә сөтнең килограммын 22 сумнан җыялар. Дөрес, бер ай элек 17 сум 50 тиеннәе генә җыйганнар. Бер ай элек иң зур бәя Балтачта иде, биредә сөтнең бер килограммын 20 сум 50 тиеннән җыйдылар. Хәзер тагын 56 тиенгә арттырганнар, бүгенге көндә сөтнең килосы 21 сум 6 тиен биредә.

Бик күп районнарда сөт бәясе 20, хәтта 19 сумга да җитми. Ул гынамы, 17 сумга җитмәгән район да бар.