Әтнәдә - суык, аларда - эссе

Кинәт суытты, температура +18 тирәсе генә, хәзер өскә куртка киеп йөри башладык. Суыту бер хәл, болыт астыннан кояш та елмаймый. Шул ук вакытта Америка Кушма Штатларының өч штатында аномаль эсселек. Калифорния, Нью-Мексико һәм Аризона халкы эсселектән җәфа чигә. Аризонада, мәсәлән, температура Цельсий буенча 47 градуска җиткән, берничә кеше вафат булган. Шул ук вакытта асфальт юлда стейк кыздырган кадр дөнья күрде.

Тиздән эссе һава торышы безгә кабат кайтыр. Бу вакытта күп итеп су эчәргә, баш киеме кияргә, күләгә, җиләс урында утырып ял итәргә онытмагыз.