Әтнәдә тана асраган өчен 15 мең сум бирәләр

Асрарга тана алган өчен 15 мең сум акча бирелә, дип язган идек. Ачыклык кертәбез, дөрестән сыер итеп асрау өчен алынган тана хуҗаларына бу акча бирелә, тик тананың эшләп торган колхоз, авыл хуҗалыгы предприятиеләреннән килешү төзеп алынуы кирәк. Үзебезнең район хуҗалыкларыннан алынган булса бигрәк тә яхшы, булмаса күрше районнар колхозларыннан килешү төзеп алган булсагыз да ярый. Шәхси хуҗалыклардан, икенче төрле итеп әйткәндә, күрше - күршедән, башка авыл кешесеннән сатып алганына әлеге 15 мең сум акча бирелми.