Әтнәдә террорчылыкка каршы көрәш айлыгы уза

3 сентябрь - Терроризмга каршы көрәштә бердәмлек көне уңаеннан район терроризмга каршы көрәш коммисиясе район мәгариф бүлеге белән берлектә район мәктәпләрендә " Экстремизмга - юк!" темасына бердәм республика дәресе үткәрә. Шул ук исемдә узучы террорчылыкка каршы көрәш айлыгы кысаларында 1-11 сыйныф укучылары һәм мөселман дин руханилары, хокук саклау органнары катнашында "Бесланны искә алу көне" түгәрәк өстәл артында очрашу үткәрү дә күздә тотыла. Айлык кысаларында веломарафон, төрле диспутлар, очрашулар уздыру да күздә тотыла.