Әтнәдә түгәрәкләр эшен дәвам итә

Мәктәптән тыш эшләр үзәгендә дә яңа уку елына әзерлек эшләре бара. " Быелгы уку елында үзәктә эш 8 юнәлеш буенча барачак. Күбрәк техник юнәлешкә өстенлек биреләчәк. Шулай ук "декоратив прикладной", туризм һәм социаль педагогик фәннәр юнәлеше дә читтә калмачак. Районның 12 мәктәбендә, 3 балалар бакчасында һәм Кышлау мәктәп - бакчасында 314 сәгатьлек 64 түгәрәк эш алып барачак. " Россия укучылар хәрәкәте" (РДШ), "Юнармеец" хәрәкәтләре юнәлеше эшен башлап җибәрәчәк. Электән алып барылган "СНТ" - Татарстан варислары союзы хәрәкәте дә дәвам итәчәк. Әлеге хәрәкәтләрнең кураторы булып өстәмә белем бирү педагогы Инзилә Мөдәрис кызы Бариева билгеләнде" , - дип хәбәр итә үзәк җитәкчесе Рита Садриева.