Әтнәдә төн бик озын
Төн караңгы. Буп-буш урам. Баганада ялгыз ут. Кап-караңгы кара көздә Сыенырдай якты юк. Төн йокысыз. Уйлар чуар. Гаеп бары көздәме?! Ташка әйләнгән йөрәкләр Безгәме соң, безгәме?! Төн бик озын. Таңга ерак. Тып-тын ява төнге кар. Көздә адашкан дөньямда Миңа гашыйк берәү бар. Төн битараф. Көзләремнән Соңгы кат урап китәм. Ак...
Төн караңгы. Буп-буш урам.
Баганада ялгыз ут.
Кап-караңгы кара көздә
Сыенырдай якты юк.
Төн йокысыз. Уйлар чуар.
Гаеп бары көздәме?!
Ташка әйләнгән йөрәкләр
Безгәме соң, безгәме?!
Төн бик озын. Таңга ерак.
Тып-тын ява төнге кар.
Көздә адашкан дөньямда
Миңа гашыйк берәү бар.
Төн битараф. Көзләремнән
Соңгы кат урап китәм.
Ак өметле яңа кышка
Аяк атлармын иртән.
Гөлүсә Батталова.
Следите за самым важным и интересным в Telegram-каналеТатмедиа
Нет комментариев