Әтнәдә туган кызга Дилия исеме кушканнар

Загс бүлегеннән алынган мәгълүматларга караганда, февраль аенда 8 бала - 1 малай, 7 кыз дөньяга килгән. Аларның бишесе гаиләдә беренче бала булып, икесе - икенче, берсе - өченче бала булып туган. Сабыйларга Азат, Диләрә, Сабрина, Дилия, Эльвина, Зәлинә һәм икесенә Зилә дип исем кушканнар. Шул ук вакытта 19 үлем теркәлгән, аның 10 сы - ир кеше булса, 9 ы - хатын-кыз.Ике пар язылышкан, бер пар аерылышкан. Ел башыннан исә районыбызда 14 бала туган (3 малай, 11 кыз). Дүрт пар язылышкан, ике пар аерылышкан. Үлүчеләр саны 36 булган -16 ир-ат, 20 хатын-кыз. Узган ел февраль аенда 13 бала туган булган. Язылышучылар булмаган, 1 пар аерылышкан. 23 кеше бакыйлыкка күчкән. Шул ук вакытта, ел башыннан 19 бала туган, 41 кеше вафат булган. 5 пар язылышкан, 3 пар аерылышкан.