Әтнәдә туйлар гөрли

Әтнә районында гаилә коручылар Әтнә дәүләт драма театры бинасында язылышалар.

Шул тирәдән үтеп киткәндә, күзем ап-ак күлмәк икгән кәләшкә, янында басып торган кияү егетенә төште. Шундый матурлар. Район ЗАГС бүлеге җитәкчесе Гөлфия Рәхимовага элемтәгә чыгам.

- Бер генә буш атна да юк. Җомга, шимбә көнне генә түгел, атна уртасында да язылышып китүчеләр бар. Менә бүген генә дә ике туй булды. Өч көндә биш туй. Аз түгел инде, - диде ул.

Яшь парларга тигезлек, бәхет, сәламәтлек телибез.