Әтнәдә - "Урман көне"

Һәр елны сентябрьнең өченче якшәмбесендә урман хуҗалыгы хезмәткәрләре үзләренең һөнәри бәйрәмнәрен билгеләп үтәләр.

Шушы дата уңаеннан районыбызның Кышлау авылында укучылар белән "Урман көне" дигән исем астында экологик чара үткәрелде.

"Әлеге чарада һәр укучы бик теләп катнашты һәм авылыбыз уртасындагы һәйкәл әйләнәсенә мәңге яшел чыршылар утыртылды",- диләр әлеге чараны оештыручылар.

Хөрмәтле урманчылар, хезмәт юлын яшел хәзинәбезне ишәйтүгә багышлаучылар! Сезне алтын көз көнендә билгеләп үтелүче һөнәри бәйрәмегез белән ихлас күңелдән котлыйбыз. Сәламәт булыгыз!