Әтнәдә вафат булучылар арасында хатын-кызлар күбрәк

Район ЗАГС бүлегеннән алынган мәгълүматларга караганда, июль аенда барлыгы 5 бала туган. Аларның икесе - малай, өчесе - кыз. Өч сабый гаиләдә беренче,берсе - икенче һәм тагын берсе - өченче бала булып туган. Тугыз пар язылышкан, ике пар аерылышкан. 21 үлем очрагы теркәлгән, аларның тугызы - ир-ат булса, уникесе - хатын-кыз. Ел башыннан исә барлыгы 34 сабый дөньяга килгән. Шулардан 20 малай һәм 14 кыз. Нәниләрнең 14е гаиләдә беренче бала булып туган. Икенче балалар да 14. Биш сабый гаиләдә өченче, берсе - дүртенче булып туган. 34 пар язылышкан, 22 пар аерылышкан. Үлемгә килгәндә, монда саннар борчылырлык. Җиде ай эчендә районыбызда барлыгы 123 кеше якты дөнья белән хушлашкан. Шуларның 58е - ир-ат, 65 е - хатын-кыз.