Әтнәдә яшь гаиләләр арта

Октябрь аенда барысы 10 пар язылышкан, 1 гаилә таркалган. Узган ел белән чагыштырганда гаилә коручылар дүрткә артык, кызганычка каршы, таркалучы гаиләләр саны да икегә артык.

Ел башыннан исәпләгәндә 66 пар гаилә корган, 14 гаилә таркалган. Узган ел бу саннар түбәндәгечә булган, 84кә, 18.

Тагын шунысын да искәртәсе килә, бүгенге көндә ЗАГС бүлегенә язылышуга гариза бирү районда электрон рәвештә башкарылып, барысы 90 процентны тәшкил итә. Башка төр хезмәтләр дә электрон дәүләт хезмәте аша башкарылып, барлыгы 60 процентны тәшкил итә. Әлеге мәгълүматны ЗАГС бүлегеннән җиткерделәр..