Әтнәдә ЮХИДИ хезмәткәре бер машинаны атып туктаткан

Әтнәдә ЮХИДИ хезмәткәре бер машинаны атып туктаткан

Район үзәгендәге "Затлы" кибете янында тугызлы машинасы хуҗасы юл патруль хезмәткәрләре әмеренә буйсынмыйча, китеп барган. Шикле машина артыннан куа башлыйлар. Каршысына чыккан ЮХИДИ машинасын бәрдереп киткәч, инспекторлар көпчәгенә атарга дигән карарга килә. Машина хуҗасы качып өлгерә. Калган пассаҗирлар исерек хәлдә була.

Машина йөртүче гаебен танып ЮХИДИ идарәсенә үзе килә. Аның сүзләренә караганда, ул страховка вакыты чыккан булу сәбәпле курыккан. Нәтиҗәдә, машина хуҗасына штраф салынган , ул йөртү хокукыннан мәхрүм ителгән.