Әтнәдә юл-транспорт һәлакәте күрсәткечләре тыйнаграк

Эчке эшләр министрлыгыннан алган мәгълүматларга караганда, ноябрьнең 9 көнендә республикада 105 юл-транспорт һәлакәте теркәлгән. Нәтиҗәдә 11 кеше вафат булган һәм 140 кеше тән җәрәхәтләре алган. Әтнәдә 9 вак юл-транспорт һәлакәте булса да, үлем-китем һәм зыян күрүчеләр юк.

9 ноябрь көнне генә татарстанда исерек хәлдә транспорт белән идарә итү буенча 11 һәлакәт теркәлгән. Каршы як юлга чыгу фактлары - 21, балаларны махсус креслосыз йөртү - 35 һәм куркынычсызлык каешын такмау белән бәйле 393 факт теркәлгән.