Әтнәдәге матурлык

Мондагы матурлыкны күреп хәйран калдым. Дөрес, хуҗабикә әйтмешли, артык берни дә юк үзе. Әмма булганнары барысы да тиешенчә урнашкан, пөхтә, тигез... кыскасы, һәр җирдән тирә-якка матурлык нуры чәчелә.

Капкадан кергәндә үк, бетон җиргә тырнап язган "Исәнмесез! Рәхим итегез" сүзләре каршы алды. Ишегалды, бакчадагы матурлык күз явын алырлык. Әнә бит, күршеләре дә: "Ял итәргә теләсәк, монда гына керәбез. Әллә никадәр вакыт уза да китә... Ярый әле каенана юк!" - дип көлдерә. Хуҗабикә исә: "Иртәдән кичкә кадәр, кайвакыт төнге 2ләргә кадәр монда инде мин", - ди. Бу гүзәллекне фотолардан күрә аласыз, бары шунысы бәхәссез - матурлык булдырасың килсә, башта тиешенчә күзаллавың һәм шул нигездә планын булдырырга кирәк. Ә боларда - барысы да бар!