Әтнәдән Фаадия әбигә 90 яшь тулды

Әтнә районының Күәм авылында яшәүче Фаадия әби Насыйровага 90 яшь тулды. Фадия әби тумышы белән шушы авылдан, хәзер дә үзенең туган нигезендә гомер кичерә. Авыл мәктәбенең 7 сыйныфын тәмамлаганнан соң, 10 ел урман кискән ул. Сугыш башланганда 17 яшь булган кызга ике ел торф чыгарырга да туры килгән. 25 ел күмәк хуҗалыкта сыер савучы булып эшләгән. Рәсеме Мактау тактасыннан төшмәгән Фаадия әби хәтта Мәскәүгә, алдынгылар слетына да барган. Бер ул тәрбияләп үстергән, әмма кызганычка каршы, ул инде вафат. Фаадия әби бүген килене тәрбиясендә, оныклары, оныкчыкларының кадер- хөрмәтендә яши.