Әтнәдән Фәрзәнә әбигә туксан яшь тулды

"Шушы яшькә җитүемә үзем дә аптырыйм. Әнием - 40, әтием - 65 яшьтә вафат булды. Мин генә бигрәк озак яшим инде".

Түбән Бәрәскә авылында яшәүче Фәрзәнә әби Назмиева 90 яшькә җитүенең серен килене Нурсия, улы Фәритнең , оныкларының игътибарлы булуыннан, кадер-хөрмәттә яшәвеннән күрә.

Апас районының Әнәл авылында туып үскән Фәрзәнә җиде сыйныфны тәмамлаганнан соң, Казанга, тегүчелеккә укырга килә. Сугыш башлана. Кызны үзенең бар яшьтәшләре белән Аракчинога, дары заводына эшкә җибәрәләр. Кызлар биредә дары тутыру өчен капчыклар тегәләр