Әтнәдән Гөлзада Гатауллина һәм Күәмнән Алмаз Батталов та җиңүчеләр

2014 елның икенче яртыеллыгында газета-журналларга язылу чорында, "ТАТМЕДИА" ачык акционерлык җәмгыяте "Язылучыга Ipad" бәйгесе игълан иткән иде. Бәйгенең шарты буенча язылучылар башкаларга караганда тиз арада "ТАТМЕДИА" ачык акционерлык җәмгыятенең кимендә өч газета яки журналына язылырга тиешләр иде. Бәйгедә барысы 120 язылучы катнашты.
Нәтиҗәләр буенча төп приз - Айпадка Түбән Кама шәһәреннән Нурия Мирзахова лаек булды. Моннан тыш, 50 язылучыга китаплар бүләк ителде.Аалар арасында безнең райондашларыбыз да бар. Күәм авылыннан Алмаз Баталлов һәм Олы Әтнә авылыннан Гөлзада Гатауллина. Алар Р.Миңнуллинның "Әсәрләр" һәм Р.Зәкуанның "Күңел тыкрыклары" китапларына лаек булдылар.