Әтнәдән Хөршидбану әбигә 100 яшь тулды

Бактачы авылында гомер кичерүче Хөршидбану Ризвановага аз да түгел, ким дә түгел нәкъ тә йөз яшь тулды. Бер гасырлык гомер бәйрәмен ул кызы Люция , оныгы Ирек, килене Рәмзия һәм тагын бик күп санлы оныклары һәм оныкчыклары арасында, кадер-хөрмәт эчендә каршылый. Инде оныкчыкларының балалары 4 булган. Әйдәгез, бергәләп санап карыйк әле. Хөршидбану әбинең 4 оныгы бар, 10 оныкчыгы һәм 4 оныкчыкның баласы, җәмгысе кызы белән 19 кеше , шуларга тагын күп санлы кияү-киленнәрне дә кушсаң... Әле бит барысы да яратып, әби-әби дип торалар. Яратмаслык та түгел шул, һәркайсын исемләп белә, һәр онык-оныкчыгы аның җылысын тоеп үскән. Әбекәй турында язманы газета битләреннән укыгыз.