Әтнәгә Рига кунагы кайтып китте

Олы Мәңгәр авылына Рига шәһәреннән Майя Ванага исемле ханым кайтып китте. 1941 елда туган Майя ханым үзенең туганнарын эзли. Аның бер абыйсы Олы Мәңгәр авылында латыш балалар йортында тәрбияләнгән дип фаразлана. Әмма ул кечкенә килеш тиф белән авырып үлгән. Майя ханым Олы Мәңгәр авылы зиратында латыш балалары каберлегендә, алар яшәгән Байлар йортында булган, күп урыннарны фотога төшергән. Ерактан кайткан кунакны Олы Мәңгәр китапханәсе мөдире Гөлшат Гарифҗан кызы озатып йөргән. Фотода алар икесе бергә.