Әтнәле Азат Хәкимҗановтан шигьри сәлам

*Кышкы хисләр*****

Серледер ул,уйнап кар бертеге,
Бөтерелеп кунса иңнәргә...
Матурлыгын мөмкин түгелдер ул,
Башка фасыл белән тиңләргә...

Ап-ак дөнья,ап-ак хисләр кебек,
Энҗе булып яна күзләрдә...
Кылыган барлык гамәл кала кебек,
Атлап барган безнең эзләрдә...

Сафлылыгы ап-ак яуган карның,
Ак өметләр өсти күңелгә...
Шул өметләр бирми яшәүемнең,
Шәмнәренә җилдә сүнергә...

Серледер ул кышның бураннары,
Бөтерелеп вальс биегән...
Яшь кәләштәй гүя,ап-ак булган,
Туй күлмәге белән киенгән...
(Азат Хакимзянов...28.12.2015г)