Әтнәле ташламалы языла алмый

Чембулат авылыннан шалтыраттылар. "Ташламалы язылу периоды 23 октябрьгә кадәр дигәнсез. Бүген 21 октябрь генә әле. Тик сорагач, почтальон:Мин исемлекне җибәрдем инде, соңга калдыгыз", - диде. Моңа ачыклык кертегез әле, дип сорады.

Телефоннан шалтыратучы дөрес әйтә бит. Минемчә, бу почта белән үзара килешеп бетмәү нәтиҗәсе. 23енә кадәр икән, димәк, шулай тиеш. Почта оешмасы бу очракта хаклы түгел. Өлгермибез дип, бәлки кампания башлану белән үк исемлекне биреп куярсыз. Почта начальнигы белән элемтәгә керәбез, аның фикере белән дә таныштырырбыз... Башка мондый хәл кабатланмасын иде.