Әтнә таңы

Әтнәле яңа китап чыгарды

Безнеке "Арча ягы зыялылары" Якташыбыз, Олы Әтнә авылында туып үскән, хәзерге көндә Арча шәһәрендә гомер итүче, Татарстан Республикасының атказанган мәдәният хезмәткәре, "Әтнә Әлмәндәре" китабының авторы Ринат абый Фазлыйәхмәтовның яңа китабы чыкты. "Китабымны хөрмәт йөзеннән сезгә бүләк итәм, бу китапта арчалар гына түгел, Әтнә ягы, туган ягымның танылган кешеләре урын алган....

Безнеке

"Арча ягы зыялылары"

Якташыбыз, Олы Әтнә авылында туып үскән, хәзерге көндә Арча шәһәрендә гомер итүче, Татарстан Республикасының атказанган мәдәният хезмәткәре, "Әтнә Әлмәндәре" китабының авторы Ринат абый Фазлыйәхмәтовның яңа китабы чыкты.

"Китабымны хөрмәт йөзеннән сезгә бүләк итәм, бу китапта арчалар гына түгел, Әтнә ягы, туган ягымның танылган кешеләре урын алган. Исемлекне тулыландырыгыз, район тормышын күзәтеп, газетагызны укып барам", - дип, безне олылап редакциягә килде Ринат абый.

"Арча ягы зыялылары" китабында аның төрле елларда язылган "Казан арты-татар мәгърифәтенең һәм мәдәниятенең мәркәзе, "Арча ягы мәгариф тарихы", " Язучылар династияләре", "Алар арчалар" язмалары урнаштырылган. Монда галимнәр дә, хәрбиләр дә урын алган. Шулай ук китапта Әтнә ягы мәгърифәтчеләре турындагы материаллар, фән эшлеклеләренең исемлеге, Әтнә театры хакында да язылган. Зур хезмәт куелган, әмма автор үзе һәрвакыттагыча тыйнак.

- Мин бары тик төрле җирләрдә чәчелеп яткан мәгълүматларны бергә туплап укучыларга җиткерергә, исемнәре туган як тарихына алтын хәрефләр белән язылырга тиешле олуг шәхесләребезне барларга тырыштым. Аларның барысын да искә төшереп, эзләп халыкка, бигрәк тә яшьләргә җиткерергә кирәк. Китап битләрендә аларны киләчәк буыннарга калдыру - иң изге эшләрнең берсе дип саныйм - дип яза автор.

Реклама

Китап Арча типографиясендә 400 данә тираж белән басылган. "Арча ягы зыялылары" белән кызыксынучылар булса, район үзәк китапханәсендә бар. Без укырга биреп тора алабыз.

Автор турында белешмә

Ринат Фазлыйәхмәтов 1940 елның 13 июнендә туа. Татарстан Республикасының атказанган мәдәният хезмәткәре. Татарстан Республикасының Мактау грамотасы, "Хезмәт ветераны" һәм "Казанның 1000 еллыгы истәлегенә" медальләре белән бүләкләнә. РСФСР Мәгариф министрлыгының "Халык мәгарифе отличнигы", ТР Мәгариф министрлыгының "Мәгариф өлкәсендәге хезмәтләре өчен", ТР физик культура, спорт һәм туризм Дәүләт комитетының "Физик культураны үстерүдәге хезмәтләре өчен", ТР Мәдәният министрлыгының "Мәдәният өлкәсендәге казанышлары өчен" билгеләре һәм күпсанлы Мактау кәгазьләре, Дипломнар белән бүләкләнгән. 2010 елда ТР Президентының Рәхмәт хатына лаек була. Ул ТР Хөкүмәте гранты иясе, Арча районының почетлы гражданины. ТРның икенче класслы баш дәүләт киңәшчесе.

Ринат Фазлыйәхмәтов "Бөек Тукай Ватаны син, Арча", "Арча ягы бигрәк матур", "Әтнә Әлмәндәре" китаплары авторы.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: