Әтнәлеләр игътибарына

Юл хәрәкәте кагыйдәләрендә үзгәрешләр

2015 елның 1 июлендә юл хәрәкәте кагыйдәләре турындагы законнарга шактый гына үзгәрешләр кертелде. Әйтик, машина йөртүче транспорт чарасы белән исерек хәлдә идарә иткән өчен икенче кабат туктатылса яки алкоголь куллануга тикшерелүдән чираттагы тапкыр баш тарткан очракта моның өчен ул административ хокук бозу кодексы буенча түгел, ә бәлки җинаять кодексының яңа маддәсе буенча җәзага тартылачак. Ул маддә исерткеч эчемлекләр кулланган килеш эләккәннән соң бер ел эчендә шундый ук хәлдә икенче кабат эләккән очракта, ике елга кадәр ирегеннән һәм өч елга машина белән идарә итү хокукыннан мәхрүм итүне күздә тота . Бу очракта шулай ук 2015 елның 1 июленә хәтле исерткеч эчемлекләр кулланган килеш идарә иткән яки вәкаләтле вазыфаи затның алкоголь куллануга тикшеренү үтәргә законлы рәвештә таләп итүен кире каккан өчен административ хокук бозу буенча эш кузгатылып, административ хокук бозу турындагы кодексның срогы чыкмаган булса , ул да исәпкә алына.