Әтнәлеләр, китереп биргәнне көтмик!

Россиялеләрнең зур күпчелеге автогражданка полисын рәсмиләштергәндә ташламалар (КБМ) ясалмауга зарлана. Ә бит иминият компанияләре ышандырганча, ташламалар турында мәгълүматлар кертелә торган Автоматлаштырылган бердәм мәгълүматлар системасы төзек хәлдә. Сорау туа: нәрсә төзек түгел икән? Моннан алда иминият компанияләренең йөртүченең тормышын да мәҗбүри рәвештә диярлек иминиятләүләре турында язган идек. Без алган мәгълүматлар буенча, бу уңайдан Татарстанның барлык район халкы шикаять биргән. Ә Әтнәдән - юк. Кызганычка каршы, без кемдер китергәнне, эшләп кулга тоттырганны көтәргә өйрәнеп киләбез бугай...