Әтнә таңы

Әтнәлеләрнең ирешкән уңышлары шактый

Кризис чоры булуга карамастан, Татарстанда яңадан-яңа җитештерү объектлары гамәлгә баса.

Авыл хуҗалыгында бу аеруча ачык чагыла.

- Соңгы елларда районда барысы 4: "Шахтер"да - ике, "Тукай"ның Шәкәнәч фермасында һәм "Таң" хуҗалыгында берәр сөт саву залы эшли башлады. Аларда хөкүмәт ярдәме белән өр-яңа җиһазлар урнаштырылды. Нәтиҗәдә, кул көче кими, күп хезмәт механикалаштырыла, терлекләрнең баш саны арта, - дип куана авыл хуҗалыгы идарәсе җитәкчесе Фәрит Галиуллин.

Болардан тыш, якын көннәрдә "Мәңгәр"дә дә саву залы эшли башлаячак. Бүгенге көндә "Күшәр" һәм "Ташчишмә" хуҗалыкларында да төзеләләр. Шунысы бәхәссез, аларның уртак билгеләмәсе бар - инновацион проектлар нигезендә сафка басалар. Биредә республикабыз лидеры Рөстәм Миңнехановның хезмәтен күзаллау урынлы булыр. Сер түгел, Россиядәге катлаулы икътисади шартларга карамастан, Миңнеханов стратегиясе республикага инвестицияләр җәлеп итүне дәвам итә. Инвесторлар Татарстанны һәм аның лидерын ышанычлы партнер итеп күрәләр. Ә бу, үз чиратында - икътисади күтәрелеш! Шуңа күрә кризис чорында яңа җитештерү объектлары ачылуга гаҗәпләнерлек түгел. Шул исәптән ул авыл хуҗалыгында да уңышлы дәвам итә.

Реклама

"Шахтер" җаваплылыгы чикләнгән җәмгыяте җитәкчесе Әнәс Хәкимов та:

- Савымчы мәсьәләсе уңай хәл ителә, сөт сыйфаты да яхшыра, сыер да чистарак була, - ди.

Хәер, хуҗалыкның инновацион программалар нигезендә ирешкән уңышлары шактый. Узган елны махсус программа буенча 2 торакка реконструкция уздырылган, смета бәясенең 30 процентын тәшкил иткән. Югарыда телгә алган "Вестфалия" сөт саву җиһазларын махсус "40 Х 60" программасы буенча алганнар. Ә бит аның составына сөтне суыту агрегаты һәм терлек азыгын тарата торган миксер да керә. "Шахтер" шушы ук программа буенча 2 "Тукано" комбайнлы да булды.

Элек терлекчелекнең киләчәген 3 "К" - "Кадры", "Корова", "Корма" билгели дип сөйли идек. Хәзер ул "К"лар күбәйде. Аларны тормышка ашыру өчен заманча саву залы да, техникасы да кирәк. Бу уңайдан республикабыз лидерының ярдәме - инновацион программаларның ярдәме гаять зур, - ди авыл хуҗалыгы идарәсенең терлекчелек буенча консультанты Наил Фәйзрахманов.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: