Әтнәленең уйланулары

Уйланулар...

Алда безне зур бәхетләр көтә ,диеп,

Гомер буе башкаларга акыл бирдем.

Гадел булыйм,үрнәк булыйм дип яшәдем,

Ә шулай да күрә алмадым мин бәхетне.

Ник бу дөнья шулай тиз болгана ,

Әхлак,намус,вөҗдан төшенчәләре югала!?

Яшибез дип бар кылган ниятләребез,

Зур акчага табынуга кайтып кала.

Аз-маз урлау бик тә хәтәр,

Аның өчен сине богау,төрмә көтә.

Миллиард урла-син почетта,депутат һәм,

Элек кылган барлык һөнаһларын бетәр.

Тормыш-көрәш,диләр. Бу көрәштә

Аяк асты баткак,юллар тайгак.

Ә шул юлларны азапланмый үтә

Әрсез,ятсыз һәм дә әрәм тамак.

Әгәр гомер булса канатлы кош,

Борылып кире яшьлегемә очар идем.

Анда калган эшләремне үтәп,

Карт күңелнең тынычлыгын табар идем.