Әтнәләр 27 февральдә карагыз

"ТНВ" каналында барган "Башваткыч" тапшыруы турында белмәгән ишетмәгән кеше юктыр. Соңгы вакытта анда безнең райондашларыбыз да еш катнаша. Күптән түгел генә район авыл хуҗалыгы хезмәтчәннәре чыгыш ясады . Алар арасында Габдулла Тукай исемендәге авыл хуҗалыгы техникумы укытучысы Фәридә Хәсәнова да бар иде. Бу тапшыруны 27 февраль көнне "ТНВ" каналыннан 19.00 дә, " ТНВ- Планета" каналыннан 11.00 һәм 19.20 та карый аласыз. Әтнәбезнең горурлыгы булган уку йорты быел 50 еллык алтын юбилеен билгеләп үтәчәк. Шушы уңайдан техникум укучылары катнашында да тапшыру әзерләнәчәк дип көтелә.