Әтнәләр 78 тапкыр тәртип бозган

Юлда машинага утырып, алдын-артын карамыйча чабучыларга "Булган коточкыч юл һәлакәтеннән әле дә айный алмыйбыз, кая чабасыз?" дип кычкырасы килә. Чөнки тизлек арттыручылар саны һаман кимеми. 16 июльдән 22 июльгә кадәрге аралыкта ЮХИДИнең Әтнә бүлекчәсе инспекторы һәм участок полиция хезмәткәрләре тарафыннан төзелгән 78 протоколның 18е тизлек арттыручыларга язылган. Тагын 12 кеше саклану каешын такмаган, 5 кешенең машина номеры укылмаган, тагын 5 кеше әйләнгеч юлга куелган яңа знакка игътибар итмәгән. "Вак-төяк тәртип бозучылар да җитәрлек, тагын штраф түләмәүчеләр белән эшлибез", - ди инспектор Фәнил Муллагалиев.