Әтнәләр “Буа-алан”да булганнар

Габдулла Тукай исемендәге Әтнә дәүләт драма театры артистлары Буа районындагы Толымбай авылының "Буа-Алан"ындагы театрлар Сабантуенда булып кайттылар. Биредә көянтә, чиләк белән су ташу ярышында Сылу Бәйрәмова белән Руслан Кыямов һәм дә авызга күкәй салынган кашык кабып йөгерүдә Зөһрә Хөсәенова өченче урыннарга лаек булдылар. Гомумән, 16 театр арасында безнекеләр җиденче урынны биләделәр. Бүгенге көндә Гамир Насыйриның "Яшел эшләпә" әсәре буенча сәхнәләштергән спектакль буенча репетицияләр бара.