Әтнәләр дә булыр әле

Рио-де-Жанейродагы Олимпиадада Татарстаннан 13 спортчы катнашты. Республиканың спорт министры аларның чыгышлары белән таныштырды.

Безнекеләр академик ишү, йөзү, суга сикерү, волейбол, шосседагы велоспорт, стендка ату һәм өстәл теннисы спорт төрләрендә чыгыш ясадылар. Элекке Лондонда узган Олимпиадада 3 спортчы гына турыдан-туры татарстанлы саналса, быел андыйлар 8 булды. Башкалары безнең республикада контракт нигезендә чыгыш ясый.

Араларында призлы урын яулаучылар булмаса да, 4-7 урыннар белән сөендерделәр. Киләчәктә араларында әтнәләр дә булыр әле.